Kanpaina honetarako, 62.000 euroko inbertsioa egin du udalak eta, guztira, 10 euroko 17.010 bono jarriko dira salgai, aurrez izena eman duten 45 saltokietan erabiltzeko. Garazi Dorronsorok, Garazi lora-dendako kideak eman ditu ekimenaren gaineko xehetasunak:
Bonoak hirunaka erosi behar dira, eta gehienez ere, 9 eskuratu daitezke denda bakoitzean. Erosle bakoitzak 3, 6 edo 9 bono erosi ditzake establezimenduko. Horrela, bonoak erosten dituenak 20 euro jarrita, 3 bono lortuko ditu (30 euro). 40 eurorekin 6 bono jasoko ditu (60 euro). Eta, aldiz, 60 eurorekin, 9 bono (90 euro). Bide beretik, Amasa-Villabonako Udalak jakinarazi du erosketa-bono bakoitza % 33an lagunduko duela diruz.
Kanpainan parte hartzeko baldintzei dagokionez, hamasei urtetik gorako herritarrak izan behar dira erosleak, eta ez da nahitaezkoa izango Amasa-Villabonakoa izatea.
Informazio gehiago, datorren hamaboskarian.