Asteburu hau ere garrantzitsua izango da Behar Zanako pilotarientzat. Ostiraletik hasita, Azkoitin Adur Otaegik finalerdia jokatuko du eskuz banaka kadete 1.mailan Etxanizen aurka.
Villabonan berriz, 18:00etan hasita bost partida izango dira. Urko Otaegik Inhar Iparragirre ordezkatuz jubenil 2.mailan eskuz banaka Gipuzkoako final-laurdenak jokatuko ditu.
Unai Zufiria eta Iker Izagirrek, eskuz banaka kadete 2.mailan Gipuzkoako final laurdenak jokatuko dituzte. Oier Elolak, infantil banaka ekialdeko finalerdia jokatuko du eta azkenik, Andoni Olasagastik Gipuzkoako finalerdia jokatuko du eskuz banaka nagusien 2.mailan.
Entrenamendu talde berekoak guztiak, aipatzekoa da Behar Zanako bikotea kadete mailakoa dela oraindik. Ondoren, kadete 2.mailan eskuz Adur Otaegik eta Markel Iraolak Oiratzungo Caetano eta Iradiren aurka jokatuko dute.
Saioa Aperribai ekialdeko finalean eskuz banaka infantilen 3.mailan. Aipatzekoa da, datorren astean jokatuko den finalerako sailkatua dagoela Saioa Aperribai. Txapelketa hau mutilekin batera lehiatu du.
Gipuzkoako trinkete txapelketa ere jokatzen ari dira Behar Zanako pilotariak eta asteburu honetan Iruran 6 partida jokatuko dituzte.
Txapelketa pribatuei dagokienez, pasa den astean Txapela irabazi zuten Behar Zanako ordezkariak diren Joanes Cestau eta Xuban Illarramendik, partida Baztanen izan zen eta Aratz Luixa 3. geratu da Donezteben jokatutako Bortz Kirol Txapelketan. Aste honetan, Xuhar Iparragirrek Sopelan final erdiak jokatuko ditu infantil mailan Azpeitiko Ansolarekin batera.
