Erkorekak Xuhar erruduntzat hartzeko kanpaina hasi duela azpimarratu du plataformak: "Xuhar istiluetan parte hartzen ari zela esan du, aurpegia estalita eta botilak botatzen ari zirenen alboan zegoela, gertatzen ari zena grabatzen". Horrez gain, zaurgarri sentitzen direla azpimarratu dute: "Zaurgarri sentitzen gara gure segurtasuna bermatu behar duten horiek direnean, hain zuzen, gure giza eskubideak urratu eta larriki kaltetzen dituztenak. Umiliatuak sentitzen gara."
Esanak esan, Xuharren aldeko mozioko plenoa ere izan dute hizpide, tarte batez: "Otsailaren 28an, Segurtasun sailarengandik entzun beharreko azalpenak Arantzazu Rojoren ahotik entzun genituen. «Xuhar ez zen tirokatua izan», aipatu zuen beste hainbat astakeriren artean".
Amaieran, indarkeria poliziala salatu dute eta martxoaren 16an, goizean, Tolosan deituko duten protesta baketsuan parte hartzeko deialdia zabaldu dute.