Gaur egun, "Salvemos a Beti Jai" plataformari esker kultur ondarea izendatu dute frontoia, horregatik, frontoia eraitsi beharrean berritu egin dute eta bertan, azkeneko aldiz, pilotan jokatzeko aukera izango da asteburu honetan. Hala, gonbidapen berezia luzatu diete euskal pilotariei eta Gipuzkoako Behar Zana Pilota elkarteko jokalariak; Urruzola, Esnaola eta Lizaso joango dira bertara Eple Errenteriko Urmeneta kidearekin batera eskuz pilotaz jokatzera.
Ostiralean eta larunbatean izango dira pilota partiduak. 4000 ikusle inguru aurreikusten dira frontoitik pasako direnak, eta, azpimarratzekoa da, euskal pilotarien partidak ikusmira handia sortuko duela, izan ere, salgai jarri ziren 600 sarrerak azkar batean saldu ziren. Horregatik, ostiralean El Molar izeneko herrian jokatuko dute.
