Andoaingo Piano Jaialdia amaituta, EHME Euskal Herriko Musika eta Dantza Eskolen Elkarteak hartu zuen jaialdia antolatzeko lekukoa. Euskal Herriko herri ezberdinetan, otsailaren 22 eta 23ko asteburuan hainbat jaialdi burutuko da, tokian tokiko musika eskolen antolatuta.
Loatzo Musika Eskolak hartu du topaketa horietako bat antolatzeko ardura eta Villabonako Gurea aretoan egingo dute, otsailaren 22an. Loatzo Musika Eskolakoekin batera Hernaniko udal musika eskolakoek eta Zegamako Toberakoek hartuko dute parte.
Maitane Arretxe irakasleak azaldu duenez 55 piano jotzaile izango dira bertan. Horietatik 17 izango dira Loatzoko ikasleak, adin guztietakoak. Bi saiotan banatuko da jaialdia: 10:00etan hasiko da lehenengoa eta 11:30ean bigarrengoa.
Herritarrei bertara azaltzeko gonbita luzatu diete Loatzo musika eskolakoek «Aukera ederra izango da zuzenean piano jotzaileak ikusi eta entzuteko», esan du Arretxek.