Manu Murielen omenezkoa jokatuko da bihar, Arratzainen

Aiurri 2025ko eka. 6a, 11:54

Dagoeneko IX. edizioa izango du Manu Murielen omenezkoak. Alebin lehenengo urteko futbol txapelketa da eta hamabost talde ezberdinetako 200 jokalaritik gora zelairatuko dira. 09:00etan hasiko dira partidak eta arratsaldean jokatuko dira finalak. 12:00etan, lore eskaintza egingo zaie Manu Murielen etxekoei.

Billabona futbol taldeak antolatzen du futbol txapelketa entzutetsua eta, berrogei bolondres inguru ariko dira lanean, aparkalekuak antolatzen, sukalde eta tabernako lanetan, muntaian, eta abar.

Partidak ikustera gerturatzen direnek 2 euroko sarrera ordaindu beharko dute eta, izandako irabaziak 'Izan inurri' elkarteari bideratuko zaizkio.

Kirola Amasa-Villabona

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!