Iratzarren urteurreneko ospakizuna, larunbatean

Aiurri 2025ko eka. 18a, 10:34
Deskargatu Info Ahotsak :
Español English Français Català Galego

35 urteko bidea egin du Villabonako Iratzar tabernak eta asteburu honetan egingo dituzte ospakizunak. 11:00etan jarriko da martxan egitaraua, kros ez konpetitiboarekin. Erlojuak itzali eta elkarrekin korrika egiteko gonbita zabaldu dute. Izena ematea zabalik da Iratzarren bertan. Bertso saioa, ekitaldia, bazkaria, kontzartua eta DJa ere izango dira, eguna borobiltzeko

1990an zabaldu zituen ateak Iratzarrek. Urteurren borobila ospatzeko, ekitaldi sorta zabala antolatu dute. 

Kros ez konpetitiboa amaituta, Oihana Iguaran, Beñat Iguaran, Izar Zelarain eta Aratz Arzelus arituko dira kantuan, 12:00etan hasita. 13:30etan ekitaldia egingo dute eta ondoren bazkaria. Iratzarren bertan daude salgai bazkaritarako txartelak. 

Arratsaldeko 18:00etan Ahantz taldearen emanaldia hasiko da eta Zigor DJ ere arituko da urteurreneko ospakizunetan.

 

 

 

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!