Egitarauari dagokionez, Sega Txapelketa Herrikoiaren 4. edizioa antolatu dute Amasako plaza ondoko sailetan, 16:30etan. Bederatzi parte-hartzaile izango dira guztira: Mikel Arretxe, Arkaitz Arretxe, Jon Beldarrain, Joseba Astiasaran, Julen Etxeberria, Jon Ezeiza, Kepa Otegi, Aimar Iraola eta Manex Ugarte.
Sega proba nazioarteko eran egingo da; alegia, azkartasuna eta txukuntasuna hartuko dira kontuan. Sailkapen proban 100 metro koadroko saila ebaki beharko dute. 4 segalari hoberenak finalera igaroko dira; eta bertan, 200 metro koadrokoa izango da ebaki beharreko saila.
Ondoren txakolin dastaketa izango da. Aurten ere txekorra erreko da goizean goizetik, pintxo modura dastatzeko beste pintxo batzuen artean.
