Hemen prentsa oharra:
Faxismoaren eta estatuen autoritarismoaren aurka gazte langileok kaleak hartu!
Testuingurua
- Faxismoa hedatzen ari da Europan, horren adierazle alderdi politikoen gorakada: Alemanian, Polonian, Italian, Frantzian, Ungarian, Eslovakian edo Espainiako Estatuan, esaterako.
- Antolakunde ideologiko faxistak sortzen eta indartzen ari dira eta kale mailako talde biolentoak ere ugaritzen ari dira. Falange espainola, Nucleo Nacional eta Desokupa talde supremazistak, kasu.
Zergatik gertatzen da hori?
- Oligarkia atlantistaren apustua da faxismoa idartzea, bera baita alderdi elektoral, think tank ultraeskuindarrak, komunikabide erreakzionarioak eta talde faxistak finantzatzen ari dena.
- Mendebaldeko oligarkiak (gainbeheran eta gerra testuinguruan dagoenak) estatuak izaeraz aldatu nahi ditu, are autoritarioagoak bihurtuta; eskubide zibilak deuseztatu, prestazio sozialak gutxitu…
- Horretan guztian lagunduko dio faxismoak eta bilakaera erreakzionarioak: europako estatuen autoritarismoa azkartzen.
Horren aurrean zer?
- Erreakzioari, faxismoari eta estatuen erreforma autoritarioari aurre egiteko indar handi bat dagoela erakutsiko dugu.
- Hilabete hauetan zehar erakutsiko dugu faxismoa ez dela alternatiba; kontrara, langile klasearen, herri zapalduen, eta, oro har, kolektibo minorizatuen aurkako gorroto ideologia bat dela.
- Mobilizazioa egingo dugu Bilbon urtarrilaren 31n.
Tolosaldean zer?
- Herriz herri (Tolosan, Ibarran, Anoetan, Alegian eta Aiztondon) gazte langileak antolatzeko espazioak sortuko ditugu: abenduaren 19an eta 20an dinamikaren aurkezpenak egingo ditugu, eta urtarrilaren 17an egitarauak. Bien bitartean, komiteak antolatuko ditugu, faxismoari aurre egin nahi dionak aukera euki dezan.