Danborren hotsek iragarri dute hiru erregeen etorrera. Trikitilari eta pandero-jole talde handiak zabaldu du kalejira eta, haien atzetik etorri dira danbor-jole, musikari eta gainerako laguntzaileak.
Hiru Errege Magoek herritarren harrera beroa jaso dute ibilbide osoan zehar. Goxokiak banatuz erantzun dute haiek. Herri osoa zeharkatu ondoren, Erreboteko plazan geldialdia egin dute. Jaiotza bisitatu ondoren, hiru dantzarik eskainitako agurra jaso dute eta, amaitzeko, bertan bildutako haurren azken eskariak jaso dituzte.
