Amasa-Villabonak kirolarekin duen lotura estua agerian geratu zen atzo egindako kirol galan. Ekitaldian, herriko zein inguruko kirol elkarte ugariren lana balioan jarri zuten, urteetan egindako ekarpena eskertu eta gaur egungo jarduna nabarmendu baitzuten. Diziplina askotako taldeek jaso zuten aitortza, besteak beste txirrindularitzakoek, arraunekoek, igeriketakoek eta futbolekoek.
Elkarteez gain, banakako kirolariek ere izan zuten tokia. Azken urteetako ibilbidea eta lortutako emaitzak aitortu zizkieten. Era berean, kirola sustatzen duten ekimenak eta taldeak ere gogoan hartu zituzten, herriko kirolzaletasunean egiten duten ekarpena azpimarratu baitzuten.
Sari banaketa Beatriz Unzue alkateak egin zuen, eta ekitaldia Alex Padillak eta Ainhoa Etxebarriak gidatu zuten. Ekitaldia giro beroan igaro zen, eta amaieran Oinkari dantza taldeko kideek agurra dantzatu zieten omenduei.
Aitortza jaso zuten elkarteak:
- Tolosaldea Igeriketa Kirol Elkartea
- Danena Txirrindulari Elkartea
- Tolosaldea Arraun Kluba
- Multiekintzak Eskola Kirola Elkartea
- Ibilian Ttipi-Ttapa ekimena
- Aizkardi Mendizale Elkartea
- Egintza Areto Futbola Elkartea
- Aiztondo Neskide Kirol Taldea
- Amasako Martina Kultur Elkartea
- Billabona Futbol Kirol Elkartea
- Billabona Xake Joku Elkartea
- Denok Danena Halterofilia Kluba
- Oria Ibaia Nordic Walking Elkartea
- Irrintzi Elkartea
- Bizi Kirol Taldea (Villabonako Mix Triatloi Kluba)
- Zunbeltz Elkartea
- Behar Zana Kirol Elkartea
Aitortza jaso zuten kirolariak:
- Susana Davila Sansinena
- Eneko Mesa Iglesias
- Imanol Zufiria Mayoz
- Unai Zufiria Mayoz
- Eñaut Oñate Lasa
- Ilargi Sarria Rubiños
- Enara Urizar Loyarte
- Alain Zaldua Usandizaga
- Nerea Maritxalar Arancon
- Saioa Urdangarin Tejeria