24 kilometroko proban, gizonezkoetan, Ander Iñarra Olaziregi lezoarra izan da garaile, 2:04:11ko denborarekin. Haren atzetik helmugaratu dira Hodei Lujanbio Apezetxea goizuetarra eta Josu Uribarren arrasatearra. Emakumezkoetan, berriz, Leire Elola Izagirre tolosarrak jantzi du txapela 2:39:43ko markarekin. Bigarren amaitu du Irati Larrañaga usurbildarrak, eta hirugarren Inés Moreno Sánchez altsasuarrak.
12 kilometroko lasterketan, gizonezkoetan, Josu Urrestarazu Garcia idiazabaldarra izan da azkarrena, 54 minutu eta 12 segundoko denborarekin. Bigarren sailkatu da Jokin Tolosa Zabala anoetarra, eta hirugarren Eneko Garin Arrastoa amasa-villabonatarra. Emakumezkoetan, Rebeca Mariño Torrado elbetearra izan da garaile, 1:06:47ko denborarekin. Jule Olaizola Amilibia zumaiarra izan da bigarren, eta Maria Arrieta Lopez elgoibartarra hirugarren.