Azaroaren 15ean egingo dute Argazki Rallya. Elkartearen egoitzatik aterako dira parte-hartzaileak, 09:00etan eta egunean bertan egin beharko da izen-ematea. Antolakuntzak zehaztutako mendi ibilbidean barrena ateratako argazkiak sartuko dira lehiaketan. 9 kilometro inguruko luzera izango du, eta 4 orduko iraupena.
Azaroaren 23tik 26ra jarriko dituzte ikusgai lan guztiak, Gurean. Hauexek izango dira lehiaketako sariak: argazki onenak 150 euro, bigarren saria 100 euro, hirugarren saria 75 euro. Publikoak aukeratutako argazkiaren egileak berriz, Aburuza sagardotegian bi lagunentzako afaria izango du sari.
