Korrika 2019

Petoa jantzita, Korrikarako prest!

Korrika Gares herritik abiatzen zen denbora berean, peto-potea ospatu zen Andoaingo kaleetan zehar atzo arratsaldean, alegia, Korrikako lekukoa Andoaingo udalerrian eramango duten instituzio eta elkarteei petoa emateko ekitaldia.

Hiru saioetan egin zen peto ematea, Bastero plazan, Juanita Alkain plazan eta Zubiaurre etxearen parean. Azkenik, Zumea Plazan egin zen ekitaldi nagusia; petoa jantzita zeramaten ordezkari guztiek elkarrekin argazkia atera zuten.

Hona zeintzuk diren 33 talde horiek, Urnietatik heldu eta Tolosarako norabidea hartuko duen Korrikako lekukoa eramango dutenak, ordena errespetatuz: Arrospe galdaragintza, Leizaran eskubaloi taldea, Leitz mendi-bizikleta taldea, Gazteleku pilota eskola, Andoaingo txirrindularitza eskola, Euskalduna Mendigoizale taldea, Martin Ugalde Kultur Parkea, Berriako langileak, La Salle-Berrozpeko ikasleak, La Salle-Berrozpeko langileak, Aita Larramendi Ikastolako batzordea, Ondarreta-Leitzaran ikastetxeak, Aiurri-Larramendi Bazkuna, Aita Larramendi Ikastolako langileak, Udal langileak, Udala, Hurria-Sahara, EH Bildu, Asanblada Feminista, Herriko elkarteak (Santa Krutz Peña, Zumeatarra, Ontza eta Kotoi), Erraldoi eta buruhandien konpartsa, Andoaingo Emakumeak, Sega, Axeri dantza, Gaztetxea, Ezker Abertzalea, Aita Larramendi ikastolako ikasleak, eta Oroituz.         

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!