Honela dio oharrak:
'Kaleberritik Joakin Larreta etorbidera pasatzeko trenbide-azpiko pasabidea gune beltz batean bilakatu da denboraren poderioz; batzuen portaera txarragatik igogailuak argirik gabe daude askotan, zikinkeria pilatzen da garbitu bezain laister eta segurtasun faltaren sentsazioa nabaria da.
Egoeraz jabeturik, horiek saihesteko neurriak hartuko dira egun hauetan:
-Sakoneko garbiketa emango zaio eta egoera txarrean dauden hainbat pieza
eraberrituko dira pixkanaka.
-Segurtasuna zaintzeko kamerak jarriko dira.
-Eraso sexisten kontrako mural bat jarriko da pasabidean.
Espero dugu neurri hauekin egoera hobetzea eta denon artean gune hau behar bezala zaintzea'.