Andoaingo Udalarekin harremanetan, sareetan eta kalean bolo-bolo dabilen kontua baieztatu diote Aiurri astekariari. Azken egunetan hainbat lapurreta izan da, eta arazoa ez da soilik Andoaingoa. Beterri-Buruntzako herrietan ere kasuak biderkatu egin dira. Udala arazoaren gainean dagoela adierazi diote Aiurriri, Udaltzaingoa eta Ertzaintza elkarlanean ari direla gaineratzearekin batera.
Ertzaintzaren presentzia handia izaten ari da, bertako bizilagunak adierazten ari direnez.
Lapurrak sistema ezberdinak erabiltzen ari dira. Etxean norbait ote dagoen konprobatzeko, ateetan silikonazko markak ipintzen dituzte, edo margoekin ikono ezberdinak jarri. Lapurreta egiteko etxebizitzak zehazten dituzte horrela. Antza denez, modu horretara azken egunetan lapurreta bat edo beste egin dute Olagainen.
Bizilagunen artean kezka handia da. Segurtasun indarrak gainean daudelako lasaitasun gehiago adierazi dute, sare ezberdinetan jakinarazitakoaren bera.