Oskarbi gimnastika erritmiko taldeak emaitza bikainak lortu ditu Gipuzkoako Txapelketan

Aiurri 2019ko mai. 23a, 11:01

Laida Regillaga eta Maialen Arano gimnastak. Argazkia: Oskarbi gimnastika erritmiko taldea.

Maitzaren 19an jokatu zen gimnastika erritmiko Gipuzkoako Txapelketa Azpeitian. Andoaingo Oskarbi taldeko kirolariak izan ziren bertan eta emaitza bikainak lortu zituzten. Maialen Arok lehen postua eskuratu zuen senior kategorian maza modalitatean eta Laida Regillaga, berriz, bigarren aro modalitatean. Sailkapen orokorrean, bigarren postua lortu zuen bikoteak.

Shua Lasa eta Haize Lasa bikoteak, batak maza eta besteak aro modalitatean, bosgarren postua lortu zuten senior kategorian. Maider Aranok bederatzigarren geratu zen sailkapenean aro eta maza modalitatean.

Nabarmentzekoa da Eider Cea egiten ari den bakarkako lana B mailako kadete kategorian.

Aste gutxi falta dira denboraldia amaitzeko. Asteburu honetan Euskadiko Txapelketa ospatuko da.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!