Arte bitartekaritzarako, erakusketarako eta dibulgaziorako espazio berriak sortzeko helburua duen Harriak programaren baitan kokatzen da hiru egileek Andoainera ekarri duten arte proposamena.
Erakusketa zabalik egongo den azken egunean, azaroaren 9an, eguardiko 12:00etan, Edorta Langara andoaindarrak bisita gidatua egingo du Basteron bertan, irudien eta soinu-sorpresa batzuen laguntzarekin. Esperientzia performatiboa izango da, eta artelanez artelan, bertaratzen den ikuslea egileen imajinarioetan murgiltzen saiatuko da.
Erakusgela astelehenetik ostiralera (18:00etik 20:00) eta larunbatetan (10:30-13:30/18:00-20:00) dago zabalik.