Abenduak 12 eta 15 bitartean egingo dira XXI. urteurreneko ekitaldiak.
Abenduak 12an hasita 19:00etan pintxo tombola egingo da. 21:00etan bertso musikatuak entzuteko aukera egonen da. Oihaia Iguaran eta Haritz Mujika bertsoalariak izango dira mikrofonoen atzean, musikariak Tomas Lizardi eta Iñigo Muñoz izango dira eta gai-jartzailea Unai Ormaetxea.
Ostiralean (abenduak 13) 20:00etatik aurrera kantu kalejira eginen da Zumea plazatik hasita. 22:00etan Euskal Herriko mus txapelketa eta 23:00etan DJ Mai-ek musikarekin inguruak alaituko ditu.
Larunbatean (abenduak 14) arratsaldeko 19:00etan hasita bazkideen arteko tortilla patata txapelketa. 22:00etan musika jartzaileak 80-90. hamarkadako rock musika jarriko du.
Igandean (abenduak 15) haurrek taloak egiten ikasteko aukera izango dute; 17:30etatik aurrera umeentzako talo tailerra.