Pasa den larunbatean (abenduak 14) Andoaingo kiroldegiko igerilekuan 100X100 Eguberrietako Erreleboka II. Igeriketa Txapelketa ospatu zen. Zumeatarra Triatloi eta Atletismo taldeak antolaturiko bigarren lehiaketa da larunbatekoa. Bertan, Gipuzkoako zenbait triatloi taldek parte hartu zuten; hala nola Añorgak, Hernanik, Getaitrik, NikTrik, Atletico SSek eta Zumeatarra Triatloi taldeak.
Bertaratu ziren ia talde guztiak mixtoak izan ziren. Horrez gain, leiha bizia izan zen Añorga eta Zumeatarraren artean, eta azkenean etxekoak nagusitu ziren.
Andoaingo Zumeatarra taldekoek oso eskertuta daudela adierazi dute, txapelketa antolatzeko egin den guztiagatik, parte hartzera gerturatu direnengatik eta kiroldegiko instalazioak erabiltzeko aukera ahalbidetzeagatik.