Kultura Batzordeak duela gutxi 2020ko Inauterietako lan egutegia onartu zuen; jai egunak, bilerak eta proposamenak aurkezteko epeak jasotzen ditu egutegiak.
Ildo beretik jarraituz, proposamenak aurkezteko epea urtarrilaren 2 eta 11 bitartean izango da. Horrez gain, jakinarazi dute, aurkeztutako proposamenetan lokala erabiltzeko nahia azaldu beharko dutela konpartsek, guztia ondo antolatzeko. Lehen bilera urtarrilaren 13an izango da Urigaineko areto nagusian, arratsaldeko 19:00etan.