Elduaien hizkuntza eskolak, esaterako, eskola birtuala eskainiko duela iragarri du: “Gela birtual hauetan parte hartu ahal izateko ordenagailu, tablet, ipad edo telefono bat besterik ez duzu beharko. Eta oso sistema erraza eta eraginkorra da, ikusiko duzu. Elduaienetik eskola birtualen neurri hau martxan jartzera behartuta ikusi gara ohiz kanpoko egoera honi aurre egin ahal izateko eta, azken 50 urteetan zehar egin duzun bezala, zure ikaskuntza-prozesua bermatzeko eta burutzen ari zaren ikastaroa guztiz osatzeko segurtasuna izan dezazulako lan egiten jarraitzen dugulako. Barkatu sortutako eragozpenak, baina Elduaienetik guztion hoberako eta koronabirusa zabaltzen ez jarraitzeko neurriak dira hartu behar izan ditugunak. Ahal bezain goiz normaltasuna errekuperatzen saiatuko gara, baina zurekin harreman iraunkorrean jarraituko dugu bitartean. Eskerrik asko zure ulermenagatik”.
Klaap dantza eskolak, bestalde, ekimen originala izan du. Instagrametik honako mezua zabaldu du: “Eskolan elkar ikustea ezinezko izango denez... Etxean entseguak edo dantza nola egiten duzuen ikustea gogoko izango dugu! Familiak, dantza egitera! Anai-arrebak, gurasoak... grabatu zatitxo bat eta dantza eskola etiketatu! Animatu!”.
Bizimodua eraldatu duen egoera berrian, egokitzea besterik ez dago.