Belabi kaletik

Baratzea

Telefonoz deitu nau, telemezuak eta audioak alde batera utzita. Lanbrotuta zegoela esan diot, oso goiz zen. Zertan nabilen galdetu dit, eta erantzuna eta gero iritsi da eskaera: "Baratzeko argazkia bidaliko al zenidake, orduan?".

Aitaren baratzea da. Hustasun handia ikusten dut nere begietatik, baratzera begira jarrita. Hil zen, baina oraindik ere oso gogoan daukagu.

 

DARADARA HURA

Han ginen, aita, senideok;

joan zinenean utzitako baratzera bilduak.

Leuna eta gozoa zen haizea,

bizia belar berriaren usaina.

 

Eta bat-batean isildu egin ginen.

Zu al zinen, aita,

airean zebilen dardara hura?

Zu al zinen?

 

Han ginen, aita, hitzik gabe,

Zuk ukituak zenituen haiek ukitzeko beldurrez.

Lanabesak, altzariak, harria…

Denak egunen joanak izoztuta.

Begiak jaso genituen orduan.

 

Zu al zinen, aita,

Airean zebilen dardara hura?

Zu al zinen?

 

Dardara hura, Pello Lizarralde (Don Inorrezek musikatuta)

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!