Koronabirusa

Adinekoekin eta beharrean direnekin izaten ari diren harremana azaldu du Udalak

Udalak emandako datuen arabera, egoera ekonomiko zaila bizi duten 16 familiei elikagaiak helarazi zaizkie. Bestalde, adinekoekin izaten ari diren arreta zuzenaren inguruko datuak eman ditu.

Gizarte Zerbitzuekin koordinaturik, “16 familiaren beharrei erantzun die. Udala elikagaien banaketa egiten ari da, Caritasekin koordinaturik”. Boluntario taldearen lankidetzan ari direla erantsi dute.

Arreta zuzena adinekoei

Udalak harreman zuzena abiatu duela adierazi du, ohar berean. Adinaren arabera, hauexek dira emandako datuak:

  • 75 urtetik gorakoak: “968 pertsonarekin jarri gara harremanetan (707 etxebizitza)”.
  • 70 eta 75 urte artekoak: “689 pertsonarekin jarri gara harremanetan”.
  • 65 eta 70 urte artekoak: Egun hauetan ari dira dei horiek egiten.

Dei horien bide 24 eskari sortu direla adierazi dute: “Elikagaiak erosteko 15 eskari, farmaziara joateko 8 eskari, zaborra jaisteko eskari bat. Eskari horiei Gurutze Gorriaren eta boluntario taldearen laguntzari esker erantzun ahal izan zaie”.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!