Ezpata dantza 2008an berreskuratu zuten

Andoain eta dantza elkar lotuta doaz, historian zehar. Juan Ignacio Iztuetak 1824. urteko "Gipuzkoako dantza gogoangarrien kondaira eta historia" liburuan Andoain askotan aipatzen du. Axeri-dantza, Ezpata-dantza, Brokel-dantzaren zikloa..., denak lotzen ditu Andoain herriarekin. Juan Antonio Urbeltz eta Iñaki Arregiren lankidetzarekin, Urkik 2008an berreskuratu zuen Ezpata dantza.

Juan Antonio Urbeltz ikerlariak 1985ean idatzi zuen "Dantzak" liburuan historiako honako pasarte hau bildu zuen: "Si tomamos la visita de Fernando VII a Gipuzkoa, desde el 2 al 14 de Junio de 1828 podemos constatar que (...) en Andoain, sesenta danzantes de baile de espada uniforme y vistosamente vestidos".

Erreferentzia horiek kontuan hartuta, Urkik etengabeko bilaketari eta berrikuntzari ekin zion.

  • Andoainen Ezpata-dantza berreskuratu zuten lehenik, 2008an. 
  • 2010ean Brokel-dantzaren zikloaren bi pasarte berreskuratu zituzten: brokel makil-dantza eta makil txiki-dantza. Baina dantzak berez pasarte gehiago ditu eta 2011ko jaietan andoaindarren aurrean beste hiru aurkeztuko zituzten: uztai txiki-dantza, makil haundi-dantza eta zinta-dantza.  Hurrengo urteetan ere tradizio handiko dantza saioa aberastuz joan ziren.

2012ko maiatzaren 3an, lehen aldiz, Santa Krutz elizan bertan dantza egin zuten:

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!