Panorama ez da aldatu goizean goiz etxetik kanpo gosaltzen dutenentzat

Maiatzaran 18a, astelehena. Goizeko 07:00ak jo dutela gogorarazten digu kanpaikada bakoitzak, Goikoplazan. Kanpaidorrearen azpian jarri eta Elizondo aldera begira jarrita, taberna itxita dago. Bestaldera begiratu eta Anaiak ere itxita dago. Goizean goiz etxetik kanpo gosaltzen dutenentzat panorama ez da aldatu. Danena, Urkiola, Edur, Irrintzi, Buruntza... garai batean ordu horretan zabalik ziren pertsiana guztiak jaitsita daude, Zumea plazan hasi eta Bazkardoraino.

Ostalaritza suspertzen hasiko da, baina beste herrietan baino apalago. Donostian edo Tolosan terraza zerbitzua askoz zabalduago dago, eta Andoainen pixkanaka hasi dira lehen negozietako terrazak zabaltzen. Igandean, esaterako, Juanita Alkain plazatxoan dagoen Traiñerum eta Zumea plazako Muga zabaldu zituzten. Goizetik hasi, eta egun osoan zehar, mahaiak eta aulkiak bezeroz beteta izan ziren. Egun batzuk lehenago ateak zabaldu zituen Aker tabernak. Terraza zerbitzua eskaintzeko baldintza onak eskaintzen ditu, eta egun hauetan herrikide asko hurbildu da hara.

Hurrengo egunetan taberna gehiagoren ateak irekitzen ikusiko dugu, alarma egoera eta terraza giroa uztartuta ikusteraino. Normaltasun berria, horixe izango da egun hauetan normaltasun berria.

Erlazionatuak

Pertsiana zaharrak berri

Andoain

Maiatzaran 11 da, astelehena. Goizeko 07:00ak emateko direnean, herrian barrena ibili gara gosariak eskaintzen dituzten tabernen bila. "Normaltasun...
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!