Inguruko herrietan baino taberna gutxiago zabalik dago Andoainen. Mantsoago doa berrabiaratzea, ostalaritzan. Joan zen igandeaz geroztik, Traiñerum eta Muga taberna ezagunak zabalik daude. Ez zen abiatze txarra izan bi negozio horientzat. Eguraldia lagun, mahaiak eta aulkiak bezeroz beteta izan ziren egun osoan zehar. Eta asteburu honetan negozio gehiagoren irekiera aurrikusten da. Dagoeneko Amama Klaudiak ere negozioa zabaldu du.
Fase berri horren zain egon daitezke Danena, Urkiola, Edur, Irrintzi eta Buruntza tabernak. Aipatutako horiek, Elizondo eta Anaiak tabernarekin batera, goizean goizetik zabalik izaten dira. Azken bi asteetan, ordea, Zumea plazatik hasi eta Bazkardoraino taberna horien pertsianak jaitsita daude.