Koronabirusa

San Juan jaiak telematikoki ospatzeko aukera aztertzen hasiko dira

Aurreikusita zegoen bezala, San Juan jaiak ez dira bere horretan egingo. Jai Batzordeak hurrengo egunetan internet bidez ekitaldi bat edo beste ekoizteko konpromisoa hartu duela iragarri du, atzo zabaldu zuten prentsa oharraren arabera.

Txitxu Ruiz kultura zinegotziak argudioak eskaini ditu ohar berean: “Erabat deskartatuta geratzen da kalean ekitaldi fisikoak egiteko aukera, jende pilaketak ekidin nahi ditugu, eta ezarri dizkiguten aforo mugek ezinezko egiten dute berme guztiekin”. EUDELek proposatu dituen irizpideak kontutan hartu dituztela adierazi dute.

Maider Lainez alkateak arduratsu izaten jarraitzeko garrantzia nabarmendu du: "Orain lehentasuna osasunak dauka, ezin genezake azken hilabeteetan egin dugun lan eta esfortzu guztia zalantzan ipini".

 

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!