Osasun Saila kutsatuarekin harremanetan egon diren 5 haurren eta 3 hezitzaileren jarraipena egiten ari da. Kontaktu bakoitzarekin, kontaktu sare bat osatu da, eta progresiboki PCR testak egiten joango dira. Prebentzio modura pertsona horiek konfinatuta daude.
Andoaingo Ludotekan haurren aisialdia osatzeko zerbitzua eskaintzen da, astelehenetik ostiralera. Denbora tarte honetan prebentzio neurri guztiak bete dituzte.
Udalak lasaitasunerako deia egin du, Osasun saila eta Osakidetza kutsatuak eta haiekin egondako pertsona guztiak artatzen ari baita, baina segurtasun eta higiene neurri guztiak zorrotz betetzeko eskatzen ari da.
