Ez da iturria lehortzen den lehen aldia izan. Aurreko urteetan gutxienez bitan izan da etenaldia, ur zerbitzua eskaintzeko garaian. 2015ko irailaren hasieran ura zeraman hoditerian zerbaitek oztopatzen zuela eta, urik ez zen jaisten herrigunera. 2016ko otsailaren amaieran, euriteen eraginez, luizi bat gertatu zen Olagain auzoko Garaiko-errota presaren inguruan. Horren eraginez, Maindi iturrira ez zen urik iristen.