Gipuzkoan adinekoen arretarako 65 egoitza-zentro eta 5.425 plaza daude. Egoitzetako erabiltzaileen artean 108 COVID-19 kasu positibo daude egun. Adinekoen kontrola maiztasunez egiten da. Aurreko astean Aldundiak berak emandako datua da: DYAk 3.825 PCR proba egin zituela, 1.730 egoiliarrei eta 2.095 langileei.
Bigarren olatuan, joan zen abuztuaren 11n lehen positiboa atzeman zenetik, 97 adinekok gainditu dute gaixotasuna eta 43 pertsona hil dira. Andoain orain arte kutsatuez salbu egon da, baina azaroan sartzearekin batera lehen kasuak antzeman dira.