Ainara Rodriguez eta Joxean Barandiaran herrikideek ahotsa jarri diote Sareren deialdiari. Oinarrizkotzat hartzen dituzten eskubideen alde, presoekiko eskubideak aldarrikatzeko manifestazio jendetsua egin nahi dute. Pandemia garaian, ezinezkoa izango da Bilbon egiten zen nazio mailako manifestazioa egitea. Horren orde, tokian tokiko ekimenak abiaraziko dituzte. Eta Andoainen manifestazio jendetsua antolatzeko asmoa dutela iragarri dute.
"Guztion artean oinarrizkoak, urgentziazkoak eta beharrezkoak diren pausuak" eman daitezen, honako aldarrikapenak egin dituzte:
- -Larriki dauden presoen kaleratzea.
- -urrunketa politikaren amaiera.
- -Gradu progresioa.
- -Zigorren batuketa.
- -bakartuak diren emakume presoen bateratzea.
- -Finean, salbuespen legedia bertan behera utzi eta lege arruntaren ezarpena.
Urtarrilaren 9ari begira, atxekimendu bila hasiko dira herriko elkarte eta norbanakoen aldetik.