EkonoVID

COVID-19 diru-laguntza lerro berria martxan jarri du Udalak

Laguntza sektore jakin batzuei zuzenduta dago: autonomoak, tokiko merkataritza eta ostalaritza eta kultura eta sormen-industrien sektorea.

Udalak ohar bidez aurreratu duenez, "pertsona autonomoen eta sormen- eta kultura-industrien kasuan, zuzeneko laguntzak 500 eurokoak izango dira, 750 eurokoak merkataritzarako eta 2500 eurokoak ostalaritzarako".

Aurkeztu beharreko dokumentuei edo tramitazioari buruzko zalantzak Urigainen argituko dituzte, Ekonomia Sustapen, Enplegu eta Gazteria Sailean. Telefono zenbakia honakoa da: 943 304 221. Laguntzen oinarriak  labur.eus/boletina_COVID webgunean aurki daitezke.

COVID-19 laguntzen bigarren fasea aktibatuko da, beraz, Andoainen. 453.000 euroko zenbatekoarekin, laguntza deialdi berria beste erakunde batzuk sustatutako laguntzen osagarria da, eta, beraz, Eusko Jaurlaritzak edo Gipuzkoako Foru Aldundiak abian jarritako laguntzekin bateragarria.

Mari Jose Izagirre Sustapen Ekonomiko, Enplegu eta Gazteria zinegotziak aitortu zuenez, "GAOn argitaratzea gustatuko litzaigukeena baino gehiago atzeratu da, baina Udalaz haratago doazen tramiteak dira".

Ezegonkortasun eta galderaz jositako agertoki baten aurrean, Udalak "ahalegin guztiak egingo ditu krisi honetatik ateratzeko, inor atzean gera ez dadin".

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!