2020ko Gabonetan grabatu zuten Arabaolaza eta beste pertsona baten arteko topaketa.
Azken aldian, bi zatitan banatzen dute bikoteen artean topaketak antolatzen dituen First Dates saioa: lehenbizikoan, 21:05ean hasita, aurreko bi urtetako hitzorduak emititzen dituzte; bigarrengo zatian, 21:45etan aurrera, azkeneko hitzorduak datoz. Bigarren zati horretan azalduko da Arabaolaza. Ostiraletan zati bakarrekoa izaten da, hala ere: 21:05etatik 22:00etara.
Arabaolazaren eta aurrean jarri zioten pertsonaren artekoa zertan amaitu ote zen interesa daukanak, telebista piztu beharko du.
Andoainen herrikoia da Joseba, hainbat gizarte eta kultur ekimenetan antolatzaile eta parte-hartzailea. Ogibidez garraiolaria izateaz gainera, inauteri zale amorratua, Kaldererotako dama urte luzetan, Kaletxikiko festa batzordeko kide, tango dantzari eta jaialditako laguntzaile, film laburreko aktore, ehizarekin lotutako ekimenetan laguntzaile…
Aiurri aldizkariari 2015eko otsailean eskaini zion elkarrizketan, bere herrikoitasun horretaz jardun zuen (“Festa eta saltsa guztietan parte hartzea gustatzen zait”).