Maider Lainez alkateak esan duenez “indarkeria matxista egunero jasaten duten emakume askok adierazte dute argi eta garbi arazo sozial baten aurrean gaudela, eta arazo horren arrazoia eta jatorria egitura bera dela, funtzionatzeko modua eta gizonei eta emakumeei leku bat esleitzeko modua dela. Emakumeen eta gizonen arteko botere harreman historikoki desorekatuaren adierazpena da, eta emakumeen diskriminazioa bultzatu dute”.
Zalantzak eta kezkak partekatzeko gunea
Berez, urtebete da taldea abian jarri zela, eta herriko zenbait emakumek hartzen dute parte bertan. Urigainen, ostiralero (15:30-17:00) biltzen da taldea. Orain arteko eskarmentua kontuan hartuta, oso balorazio baikorra egin du Maider Andonegik, Sorburu kooperatibako dinamizatzaileak.
Bertan parte hartu duten edo oraindik parte hartzen ari diren emakumeei zertan egin zaien baliagarri taldea, adierazi du Andonegik. “Zalantzak eta kezkak argitzeko, erantzunak aurkitzeko, beldurrak eta bestelako emozioak prozesatzeko, entzunak eta errespetatuak izateko, babesa emateko, laguntzeko eta indarkeriatik, tratu txarretatik eta umiliaziotik nola atera ikasteko…”.
Gune irekia eta askea dela, eta konfidentzialtasuna errespetatzen duela azpimarratu du Andonegik. Era berean, gehitu du bertan bakoitzak daukan erritmoa errespetatzen dela, eta bakoitzak daukan errealitate pertsonalera, baliabideetara eta indarguneetara egokitzen dela.
Hiru modutara jarri daiteke harremanetan taldearekin:
* Sorburu kooperatiba:688724747 (Maider), edo, sorburutxiki@gmail.com
* Andoaingo Udaleko Gizarte zerbitzuak: 943304343.