Andoaingo plazan bildu dira Korrika zaleak, Euskal Herriko beste hainbat herrietan bezalaxe. 35 eragile dira Andoainen Korrika heldu aldiro euskararen lekukoa eskuan hartuta korrika egiten dutenak, eta horien ordezkariak Goikoplazan izan dira, bat eginez “Bultza euskaltegiak! Bultza euskara” leloarekin. Andoaingo AEKko euskaltegiak guztiei aitortza egin nahi izan die, gaur eguardian. Ekitaldiaren bi bideo, ikusgai:
Era berean, gogoan hartzeko data iragarri dute hurrengo urteari begira: martxoaren 31tik apirilaren 10era doana, orduan ospatuko baita Korrika.
Juan Godoy eta Jon Urtasun txalapartariek eta Beñat Beloki eta Ion Beloki bertsolariek eman diote hasiera ekitaldiari. Aiora Arregi artistak, berriz, graffitia egin du egunari dagokion irudiarekin, ekitaldiak iraun duen denboran.