Belabi kaleko aparkalekuetan auto ugariren gurpilak zulatu dituzte

Antza denez bart gauean identifikatu gabeko pertsona batzuek 6 autoren gurpilak zulatu dituzte, orain arte jasotako datuen arabera. Dirudienez, labana erabilita zulatu dituzte gurpilak. 

Lehen aldiz, Udaltzaingoa gauean bertaratu zen aparkalekura bizilagun batek autoa zulatua zuela jakin ostean. Hurrengo goizean, bizilagun gehiago izan dira Udaltzaingoari deitu diotenak euren autoak egoera horretan ikusita. Garabiak ibilgailu batzuk eraman ditu. Memento honetan, Udaltzaingoa gertakaria ikertzen ari da.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!