Gaineratu dute tirolina eta bide ferrata egiteko obra berak baino, kalte handiagoa eragingo duela bere erabilerak.
Hiru puntuz osatutako eskakizuna egin dute:
1.- Tirolina eta bide ferratarentzat beste leku bat topatzea, Leitzarandik kanpo.
2.- Leitzaranen babestua dagoena zaintzea, interbentziorik gabe, dagoen bezala utziz.
3.- Leitzaran natur parkea izendapenaren aldeko urratsak ematen hastea.
Eguzki talde ekologistako kide den Garikoitz Plazaolak ere hitza hartu du elkarretaratzean, eta adierazi du egitasmo honek gizakiok aisialdi azpiegiturak muntatzeko gogoari eman diola lehentasuna, Otieta inguruko habitat aberatsa babesteko premiaren gainetik. Aldi berean, egitasmoa burutzerakoan Udalak prozesu parte-hartzaileari uko egin diola salatu du.
Azkenik, Gipuzkoako natur taldeak koordinatzen dituen Aritzalde taldeko Xabier Rubiok babesa agertu die Unanibiaren Lagunak Taldeari eta elkarretaratzean parte hartu dutenei, eta naturaren alde lanean jarrai dezaten animatu ditu.