Andoaingo Udaleko Hezkuntza eta Kultura Sailak, Andoaingo kultur elkarteei laguntza eskaerak aurkezteko deialdia zabaldu die. Txitxu Ruiz zinegotziak zuzentzen duen sailak 90.000 euroko partida bideratuko du, dirulaguntza lerro horretarako. Kultur sailetik adierazi dutenez, partida hori "herrian erreferente diren edo kultura sustatzera bideratuta dauden ekimen eta egitarauak antolatzeko" izango da.
Dirulaguntzen imprimakiak eta oinarriak Andoaingo udaleko Andoain.eus webgunean daude eskuragarri. Edozein argibide edo laguntza behar izanez gero, Basteroko Kulturguneko harrerara deitzeko gonbitea luzatu dute.
Dirulaguntzak eskatzeko epea datorren ekainaren 4an amaituko da.
Laguntza aurkezteko modua
Bastero Kulturguneko harreran edo Ataria arreta zerbitzuan aurkez daitezke proposamenak. Baita internet bidez ere.
Aurrez aurre:
- Ataria: 09:00-13:00. Derrigorrez aldez aurretik hitzordua hartu behar da (943 300 830).
- Bastero: 10:30-13:00 / 16:30-19:30.
Internet bidez:
- www.andoain.eus webgunea.