Pirritx, Porrotx eta Marimotots pailazoak “Amaren intxaurrak” ikuskizun berriarekin doluaren gai arantzatsuari eusten diote. Ikuskizunean Pirritx eta Porrotx Marimototsekin elkartuko dira parke magikoan. Amatxo Loreto duela 3 urte hil zen. Intxaurrondoa landatu zuten amatxoren oroimenez, bere agurrean. Ikuskizunean intxaurrondoak emandako lehen fruituak dastatuko dituzte. Intxaurrak jan ahala, Loretorekin bizitako abenturak partekatuko dituzte haur eta familiekin.
Fikziotik errealitatera jauzi eginez, urtarrilean oparti modura jasotako zuhaitza aurreko astean landatu zuten Otieta parkean.
