URA agentziak ohar bidez azaldu duenez, “presa XX. mendearen bigarren erdian eraiki zen ur-lamina handitzeko eta horrekin batera beharrezko ur-hartzea ahalbidetzeko, enpresak Leitzaran ibaitik eta Ubaran errekatik ura hartzeko zeukan emakidaren arabera. Enpresak 2007an utzi zion jarduerari, eta emakida iraungi egin da”.
Leitzaranen uren eta faunaren joan-etorri askea saihesten jarraitzen zuen presa horrek, eta hori dela eta eraisketai ekin zioten ekainean.
Jarduera ez da horretara mugatuko eta, URAren eta Andoaingo Udalaren arteko lankidetza-protokoloaren arabera, “Andoaingo Olagain auzoan saneamendua eta ibai-pasealekua hobetzeko proiektuarekin lotutako landareztatze-lanak egitea programatu da”.