Gipuzkoako Foru Aldundiak N-I errepideko zorua birgaitzeko lanetan darrai, eta igande iluntzera bitarte Gasteiz-Irun noranzkoko bi erreietan lanean arituko dira. Zehazki, 446,270 eta 447 '245 kilometro-puntuetan.
Horrek ilarak eragingo ditu Nafarroatik Gipuzkoara datozen gidarien aldetik, eta trafikoaren arabera, udalerria berriro ere ibilgailuz beteko da.
Andoaingo sarbideak
Aldundiak iragarri dituen neurrien artean, N-I errepiderako sarbideak ere itxiko dituzte. Sorabilla aldeko lotunetik eta Makaldegia-Gurutze Gorrikotik.
Lanaldia igande iluntzean amaituko da, Aldundiak adierazi duenez, “irailaren 12ko 20:00etatik aurrera, obretako behin-behineko seinaleak kenduko dira, eta Irunerako noranzkoko galtzadatik zirkulatzeko aukera izango du trafikoak. Horrela, zirkulazioa lehengoratuko da birgaitze lanek eragina duten N-I errepidearen zati horretan”.
Bus zerbitzuan eragina
Lurraldebusek iragarri duenez, eragina izango du asteburuko jarduerak euren zerbitzuetan:
1/3 #Andoainen lanak direla eta, Donostiako norantzan, 2021/09/10-21:00etatik eta 2021/09/11- 23:00etara, zenbait geraleku bertan behera
— Lurraldebus (@Lurraldebus) September 10, 2021
2/3 #Txistoki ibilbidea eta #Bazkardo, BU03 Andoain>Donostia (Antigua), BU04 Andoain>Donostia (Amara), BU43G Andoain>Donostia*lineetan.
— Lurraldebus (@Lurraldebus) September 10, 2021
3/3 BU07 Tolosa>Donostia (Herriz herri) lineak ez du Andoainen zerbitzurik emango.
— Lurraldebus (@Lurraldebus) September 10, 2021
Udalerri barruko eragina
Udalak irudi baten bidez azaldu du zeintzu izango diren aldaketa nagusiak:
