2018an abian jarri zen ekimenak erantzun polita izan du ikasturtero Andoaingo jubilatuen eta adinduen aldetik, eta oraingoan ere hala izatea espero dute.
Asteazkeneroko hitzorduak hiru ibilbide izango ditu, laburra, ertaina eta luzea. 10:30ean ibilbide ertain eta luzea abiatuko dira, eta 10:45ean ibilbide laburra. Antolatzaileek azpimarratu zutenez, “erritmoa pertsona bakoitzak bere beharretara egokituko du, azkarrago edo astiroago, pertsona guztiak gustura egon daitezen”.
Astero bi erakunde edo elkartek antolatuko dute ekimena. Andoaingo Udalak eta Santa Krutz jubilatuen elkartearen esku egongo da lehenbizikoa, datorren asteazkenean.