Euskalduna mendigoizale elkarteak bi irteera antolatu ditu datorren iganderako. Bata, luzea eta bestea laburragoa, biak inguruan bertan. Zehazki, Leizotz bailaran eta Adarran barrena. Hamabost hilabetetako etenaldiaren ondoren, geldirik dauden jarduerei berrekin nahi diote.
Bi ibilbide
Ibilbide luzea (5 ordu), Kale Nagusiko egoitzatik 08:00etan abiatuta Iyuya, Eteneta, Adarra, Aballarri eta Besabitik txangoa, herrigunera iritsi arte.
Ibilbide laburra. Baltzun-Besabi-Mizpiradi-Andoain arteko zeharkaldia izango da.
Aldatzeko erropa egoitza bertan utzi ahal izango da.
Zuzendaritza berria aukeratzeko batzarra
Euskaldunako bazkideak gogoeta prozesuan murgilduta dabiltza azken hilabeteetan, klubaren etorkizuna hizpide izanda. Hainbat batzar egin ostean, azkenik, datorren azaroaren 13an batzar orokorra egingo dute, lehendakaria eta zuzendaritza batzordea hautatzeko asmoz.