Hiltzaileak Poscasta

Alperra

Hiltzaileak liburuaren podcasta, Martin Ugaldek idatzitakoa. Esteka honetan Alperra ipuina entzungai.

Martin Ugaldek 1961. urtean Venezuelan idatzitako “Hiltzaileak” ipuin bilduma CD-audio modura aurkeztu zuten Koldo Mitxelenan eta Bastero Kulturgunean, 2003ko azaroaren 13an. Manuel Larramendi Kultur Bazkunak argitara eman zuen lan hura, Andoaingo Udalaren laguntzarekin. Idazle andoaindarraren lehen euskal liburua izan zen, ordura artean gaztelaniaz idatzi izan baitzuen. Erresistentzia garaiko bost narrazio laburrek osatzen dute liburua, euskal ipuingintza modernoaren aitzindari izan zelarik. Horixe nabarmendu zuen Larramendi Bazkuneko lehendakari Jon Unanuek CDaren aurkezpenean, “euskal ipuingintzaren historian zutoin berritzailea” izan zela adieraziz. Bost ipuin horiek entzun egin ahal izango dira webgunean. Joxe Manuel Goikoetxea izan zen ipuinen narratzailea, hainbat bikoizleren ahotsekin tartekatuta. Donostiako Irusoin etxean grabatutako lana izan zen hura.

Alperra ipuinak inspiratuta, Garbiñe Ubedak egindako ilustrazioa.

 

Garbiñe Ubedaren ilustrazio-sorta

Martin Ugalderen jaiotzaren mendeurrenerako, ipuin-bildumaren audioak ilustratzeko enkargua egin zion Aiurrik Garbiñe Ubeda ilustratzaileari. Andoaingo Gudurako egin zuen lanaren ildotik, kontakizuna irudi bilakatu du. Hortxe irudi-sorta:

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!