Ilara luzeak eta itxaronaldi luzeagoak saihesteko herrikideek tiket bat jasoko dute eta aurrerago pasako dira bonoa erostera. 1.600 bono dira, denera, herriko denda eta ostalaritza-establezimenduetan kontsumitzeko. Gabonetako kanpaina urtarrilaren 6ra arte luzatuko da eta bonuak datorren astelehenetik aurrera erosi ahal izango dira Salkin elkarteko egoitzan.
Salkin Andoaingo Merkatari eta Ostalarien elkartearen bulego berria Agustin Leitza 11 kalean dago
Herrira begirako ekimenak herrian bertan eragina izango duela nabarmendu zuen Izagirre zinegotziak: "Kanpainak 80.000 euroko injekzio zuzena ekarriko du tokiko merkataritzara, eta aurreko kanpainetako 120.000 euroko gastu zuzenari gehituko zaio".