Aita Larramendi ikastola
Ez da aldaketarik eman atzotik. Atzoko albistea: Haur Hezkuntzako gela bat itxita dute, eta Lehen Hezkuntzako ikasle batzuk on line bidezko eskolak jaso dituzte. Lanak ere modu horretan bideratu zaizkie. “On line bidezko hezkuntza ez dugu martxan jarri, gelak ez baititugu itxi Lehen Hezkuntzan eta Bigarren Hezkuntzan”.
La Salle Berrozpe ikastetxea
LHko bigarren gela bat konfinatu dute, gaurkoan. 25 ikasle dira eta atzo itxitako gelakideei batu zaizkie. Goizetik, "zuhurtziaz", beste gela bateko ikasleak etxean daude. Baina Osakidetzarekin harremanetan zeuden, gela horrekin zer egin erabakitzeko zain. Azkenean konfinatzea erabaki dute. Atzoko albistea: LH mailako gela bakarra itxi dute, eta bertako 23 ikasleak etxean daude. Gauzak ondo, gelaren martxa berrezarriko da hurrengo astelehenean. Azaroaren 29tik aurrera, zehazki.
Ondarreta ikastetxea
Haur Hezkuntzako gela bat itxi dute gaur. Eta LHko txoko bat ere itxi dute. Atzoko albistea: Lehen Hezkuntzako 3-4 mailatako bi gela itxi dituzte, eta ziklo bereko beste bi gelatan kribadoa egingo dute gaur bertan. LH 5-6 mailatan hainbat ikasle falta da eta irakasle batek positibo eman du. Oro har, ikasleak etxetik lanean ari dira eta zuzendaritzatik adierazi dutenez ondo daude: “Etxean dauden ikasleek Chromebook izeneko ordenagailua eskolatik eraman dute, eta bideokonferentzia bidezko konexioak egiten dituzte”.
