Ordu jakinetan, bereziki, korapilo handi samarra sortzen da Anbulatorioa eta Stop liburudenda dauden inguru hartan. Rikardo Arregi kaletik Agustin Leitza kalerako bidean, beste kale batzuetatik eratorriko trafikoa batzen da. Arteta kalekoa, eta eskola orduetan bereziki Gernika kaletik iristen dena.
Hirigintzako zinegotzi Jose Luis Verdascok obraren zuzendaritzak jarriko dituen seinaleei arreta jartzeko eskatu die herritarrei. Lanak amaituta hobekuntza nabarmena izango dela uste du: "Obrak nabarmen hobetuko ditu pertsonen irisgarritasuna, bide-segurtasuna eta zirkulazioaren arintasuna".
Ordu jakinetan, eskola orduetan bereziki, zirkulazio-dentsitate handiko gunea da.