Koloretan eginda aurkeztuko dira lanak. 65 cm-ko altuera eta 31 cm-ko zabalera izango dute kartelek, eta irudia neurri horietan edo horien proportzioan aurkeztu beharko da. Guztietan, ongi nabarmendurik, ondoko testua azalduko da: “Martxoak 8 - Emakumeen nazioarteko eguna. Andoain 2022”. Testu horrez gain, ez da beste lelorik edo testurik idatziko.
Gipuzkoan bizi diren eta 16 urtetik gora duten emakume guztiek parte har dezakete.
Lanak aurkezteko epea
Datorren otsailaren 9a da lanak aurkezteko azken eguna. Bastero Kulturgunean aurkeztu behar dira, eta ordutegia honakoa da: 10:30etatik 13:30etara eta 17:00etatik 19:00etara.
Sari bakarra izango da, 450 eurokoa, Salkinera atxikitutako merkatalguneetan kontsumitzeko. Epaimahaia Udaleko Berdintasun Batzordearen, Kultura batzordearen eta Gizarte Zerbitzuetako batzordearen ordezkari banak, Berdintasunean aditu batek eta plastika arloarekin zerikusia duten bi ordezkarik osatuko dute.