“Su-artean, gure-artean” ekimena, Ongi Etorri Eskolararen eskutik

Abian da “Su-artean, gure-artean” proiektua, Ongi Etorri Eskolararen ekimenez. Kulturak eta zaporeak uztartzeko asmoz, hilabetean behin bilduko dira Andoaingo bizilagunak elkar ezagutu eta batera sukaldatzeko. Aldiro-aldiro, familia batek bere jatorrizko herrialdeko errezeta bat sukaldatzen irakatsiko die gainontzekoei. Hala, hilaren 17an ostegunean, arratsaldeko 17:30ean hasita, Bouchrak eta El hassaniak (familia lagunak) Marokoko janaria prestatuko dute.

Interesa duen orori besoak zabalik itxarongo die elkarteak: “Andoaindarrok elkar ezagutu gaitezen, udalerriko bizitzan eta kultura gastronomikoan parte hartu dezagun, eta jatorri ezberdinetako platerez aberasteko elkargunea sortu dezagun”.

Pandemia-egoera medio, aforo mugatua izango da. Ondorioz, izena eman behar da aldez aurretik: andoain@ongietorrieskolara.org helbide elektronikora idatzita edo 688 631 176 zenbakira idatzita.